細單位裝修你要知

天氣逐漸乾燥，又到咗裝修翻新屋企嘅好時機，但裝修翻新前你又知唔知應該有咩方面需要注意呢？特別係香港屋型偏細，若不先於工程報價前計劃一下，難免成為「小肥羊」，亦有可能比左錢但反而處處都不稱心，以下就同大家分享一下細單位翻新嘅法寶。

家居面積不大，屋內儲物空間欠缺，雜物堆放在客廳及睡房，會導致單位凌亂不堪。所以，第一步必須取捨，將用途不大的雜物棄掉，或儲存放置於迷理倉內。對於小單位來說，擁有多功能的傢俱絕對係大家嘅救星，一件傢具當幾件使，自然省了幾件傢具的空間啦，例如具有儲物功能的沙化及茶几、多用途的格子儲物櫃可用作儲物、擺放裝飾及隔間空間之用。

牆身的油漆顏色可影響整間屋的觀感，如深色調會加強壓迫感，同時令空間感集中及縮少；相反，淺色的牆身，如白色、米白色或淺藍色的牆身，則可令空間感擴大及延伸。甚至連櫃門及天花均用上淺色的話，更可令整個家居空間絲毫不覺侷促。

除了淺色牆身及櫃面之外，亦有不少人會利用鏡面或玻璃，增加及延伸空間感。為避免單一牆身使用一大面玻璃令設計過於單調，大家不仿留意一下如何使用玻璃拼出一面既有特色又可以增加空間感的牆身。

近年不少單位在裝修時都會加建地台，令收納空間大大增加。由於單位面積和儲物空間狹小，為了增強儲物空間，設計師通常會就把睡房地板全改作儲物地台，這樣一來可以增加屋企的儲物及收納空間，同時又不影響客廳的感觀及樓底。至於窗台方面，至要加以善用，其實可以將書桌或床子造於窗台上之，用盡所有零碎的空間

最後一招，就是拆牆偷位採用全開發式的家居設計，雖然牆身可令起居私隱度增加，但對「納米級」單位而言，所有牆身面積及牆身的厚度都會佔用了不少空間，特別係一些設計過於勉強的房間，整個房間放了床後，就只剩下出入門口的空間，若懂得把房間拆掉，頓時可以令整間屋的空間感及實用性大大提升。