整電通渠開鎖乜都得 [ e-zone 報導 ]

咩師傅都有

家陣係科技新世代，要用乜嘢服務，用手機 App 就得！舉例：想住的士，搵《快的》或者《Uber》就得！有人就睇準呢個手機 call 服務呢個經營模式，推出《Call 師傳》平台，咩師傳？真係乜師傳都有，ezone.hk 記者下載 App 試過，服務種類包括：電力問題、水喉渠務、冷氣維修、開鎖、鋁窗驗修、小型裝修、防水防漏、家居裝拆……就連 ezone.hk 讀者最愛的電腦維修及影音設備都有！

簡便易用

舉個例，第時想搵渠王通渠，用《Call 師傅》App 就可以送出「柯打」。用戶要填寫自己稱呼、電話、區域、預算、需求簡介（即例如寫明通渠），再選擇「期望此柯打配對多少位師傅」，就可以正式落柯打。之後點呢？其實同《Uber》或《快的》差不多，都係等師傳接柯打！在 App 內見到有師傅接柯打，客人可以直接打俾對方，仔細傾價或說明服務要求。

快到你唔信

ezone.hk 記者日前就實試過用《Call 師傳》平台，尋找師傳換大門鎖，用 App 落柯打後，不消幾分鐘即顯示有師傳接單，隨即 call 對方說明詳情，再約時間即日完成工作。過程中，記者都係直接跟師傅溝通，十分方便。

師傅質素有保證

可能大家會問，不少維修工作都需要由持有專業牌照的技師負責，那《Call 師傅》平台內的師傅，又是否具備相關資格呢？據官方新聞稿所講，《Call 師傳》平台上所有技師都份須持有有效牌照及多年經驗，並經由專人認證。此外，平台亦設有即時評分機制，客戶可於服務完成後向師傳作出評分，方便其他客人參考。

值得一提的是，《Call 師傳》當然就有「師傳版」，如果大家有信心幫人維修電腦，又或者對影音器材設備有豐厚認識，不妨加入平台「自己柯打自己接」。記者都唔講咁多，因為我打算做「電腦維修員」秘撈接柯打，再見！

Source：ezone.hk

立即下載「Call師傅」！